Dziaciuk з Менску Літоўскага - Беларускія палякі - хто яны?

Мне спадабалася размова - вельмі тактоўна і з веданьнем справы яна кажа, і такі погляд з большага перагукаецца з маёй паставай і разуменьнем гэтай сітуацыі.

Ніколі да 20га стагоддзя каталікі не лічылі сябе беларусамі. Яны ўважалі сябе за літвінаў, палякаў, тутэйшых. Нават па паходжаньні яны ў асноўным адрозніваюцца ад беларусаў-праваслаўных. Так бы мовіць каталікі і праваслаўныя ў Беларусі маюць розны этнічны бэкграунд. Гэта не перашкаджае зараз і тым, і іншым прымаць мадэрны нацыянальны назоў беларусаў, але пры гэтым яны маюць абсалютна такое ж права звацца палякамі ў сучасным нацыянальным сэнсе, а нават і літоўцамі. Гэта толькі справа асабістага выбару і самаакрэсьленьня.

Нават беларускамоўныя збольшага. Але этнічны бэкграунд літоўскі (балцкі). То бок жылі сабе літоўцы (амаль такія ж як у цяперашней Літве), прынялі каталіцтва, паступова славянізаваліся, сталі размаўляць па-польску і па-беларуску.

Дарэчы беларусы былі ў Гародні і літвіны ў Полацку. Літва і Русь гэта як вагі ў самасвядомасці,- а людзі тыя самыя і краіна тая самая.

"Наконт мовы адміністрацыі: яна ўжывае слова "руская" замест "беларуская", бо так заўсёды яна і называлася. "Пісар земскі маеть по руску літары і словы..." як пісаў Сапега. "
Яна ужывае разам і русін і беларус, руская і беларуская, калі не ведаеш аб чым гаворка можна з артыкулу зразумець што рэч ідзе пра рассейцаў, рускіх у сучасным сэнсе.
"Гэта была і латынь, і польская, і стараславянская, І РУСКАЯ, у залежнасці ад веравызнання. Была таксама мова адміністрацыі і ўлады, пасля XVI ст. ужо НЕ БЕЛАРУСКАЯ"
"Ва Ўсходняй Беларусі каталікі ёсьць, аднак іх там ў працэнтах значна меньш: гэта мабыць не карэннае насельніцтва, альбо акаталічаныя русіны."
Зараз. Карэннае слова зараз.
Вы сапраўды лічыце, што русінаў не было на Захадзе, а літвінаў на Ўсходзе?
А як быць з тым што ў раннім сярэдневеччы Гародня, Бярэсце, Навагрудак і Ўслонім адносіліся да Русі?
"Праваслаўныя ж на Захадзе, на Віленшчыне - тыя ж русіны і хрышчаныя ў праваслаўі літвіны"
Паміж акаталічаным русінам і аправаслаўленым літвінам вельмі шмат разніцы? А калі літвін спачатку аправаслаўлены, потым акаталічаны, потым апратэстантаваны, потым зноў акаталічаны а потым зноў заправаслаўлены то ен хто?))))
Змешанае балцка-славянскае насельніцтва з вялікім уплывам абодзьвух культур адна на другую- вось галоўная рыса Беларусі. Выпадае толькі Палессе і тое часткова, і гэта нават зараз добра бачна па вясковым гаворкам.

"Нават па паходжаньні яны ў асноўным адрозніваюцца ад беларусаў-праваслаўных. Так бы мовіць каталікі і праваслаўныя ў Беларусі маюць розны этнічны бэкграунд."
Амаль такі самы тупік як і "літвінізм" гэта нежаданне прызнання ланцуга "балт-праваслаўны-каталік"(адмыслова не пішу тут літовец, таму што гэта былі не толькі продкі сучасных літоўцаў). Але ж было такое, было. Навошта ў такім чыне ў Гародні амаль да часу контррэфармацыі існавала 9 цэркваў, а касцелаў амаль у 2 разы меньш.
Проста ў такім чыне трэба пераглядзець і рускі горад ў Вільні і могілкі рускіх рабоў Трайдзена і "канцэлярскую" мову ВКЛ і шмат чаго іншага. Нацыянальныя міты рэч непрыступная.
Як Навагрудак)))

Таму старакаталіцкае насельніцтва Беларусі - гэта нашчадкі балтаў-літвіноў.
Вось, бачыце, вы ўжо кажаце пра старакаталіцкае насельніцтва.
Такіх як Міндоўг, Войшалк і іншыя набярэцца зашмат, каб казаць што праваслаў'е было для балтаў нечым непрымальным.
"А вось на Усходзе балтаў (з моўнага пункту гледжаньня) ужо даўно не было, там былі адны русіны."
А Цэнтральная Беларусь, а Полаччына ды Віцебшчына? Ці не было там балтаў? А наогул аўтахтоннае насельніцтва Беларусі? Дык у чым розніца ў плане этнічнага бэкграўнду?
"P.S. І яны потым пераважна перайшлі ў каталіцтва ў 17-18 стагоддзях, калі амаль уся шляхта стала каталіцкай."
І не толькі шляхта, прыклад Гародні я вам навошта прывеў? І будзе на выхадзе не зусім такі ідылічны малюнак як пані Анна нам прывяла. Каб не было моцнай плыні русінскай асіміляцыі балтаў к 15, а тым больш к 16 ст. у Горадні ад праваслаў'я і подыху б не засталося. Былі б адныя палякі-каталікі ды язычнегі).
Я гэта да чаго пішу, "новакаталіцкае" насельніцтва таксама было. І апалячвалася яно таксама на адзін два. І было гэта хутчэй за ўсе ў 17-18 ст.
А наконт таго, што гэта хваля была незначнай, адкуль у такім выпадку скаргі крыжакоў на Канстанцкім саборы, ліст Казіміра да Папы ў 1468, дзе ен скардзіўся на пашырэнне праваслаў'я ў Літве.

"То бок жылі сабе літоўцы (амаль такія ж як у цяперашней Літве), прынялі каталіцтва, паступова славянізаваліся, сталі размаўляць па-польску і па-беларуску."
Не адмаўляю што было і такое