Dziaciuk з Менску Літоўскага

Сябры!

Як бачыце, паступаюць навіны, што для перапісу падрыхтавалі вельмі мала беларускамоўных бланкаў (недзе 1-2% ад агульнай колькасці). Прапаную, калі хочаце гарантавана атрымаць беларускамоўны бланк, у самы бліжэйшы час патэлефанаваць на свой пункт перапісу і замовіць яго, а калі ў перапішчыкаў не будзе бланкаў па беларуску - ветліва адмаўляцца перапісвацца.

Мяне, як і шмат каго з беларускамоўных, абурае тое, як гэтая дзяржава чарговы раз абыходзіцца з нашымі законнымі правамі. І гэта пры тым, што згодна з перапісам 1999 году па беларуску ў хаце размаўлялі 37% жыхароў Беларусі. Чаму ж няма прынамсі 37% бланкаў па беларуску?

Тэлефануйма і патрабуйма бланкі на беларускай мове! Хай тыя, хто арганізуе перапіс, зразумеюць, што нас шмат, і што беларускамоўны бланк - не выключэнне, а правіла!

Нас ня так мала, таму калі не палянуемся, то гэта будзе мець рэзананс і прымусіць перапішчыкаў браць з сабой дастатковую колькасць бланкаў па-беларуску.

 Я адмыслова зрабіў паліткарэктны варыянт гэтага апытаньня, каб пазьбегнуць абвінавачаньняў у дыскрымінацыі:))

Комэнты вітаюцца

Спадзяюся на вашу актыўнасьць:)

P.S.  А тут такое ж апытаньне на http://community.livejournal.com/minsk_by/4395606.html 

 Як вядома сёньняшні стан валійскай мовы ў пэўным сэнсе можна параўнаць за станам беларускай мовы.
Чаму?

- Гэта мова карэнных жыхароў Уэльсу, якая ў выніку акупацыі краіны ангельцамі была пазбаўленая ролі галоўнай.

- У выніку гэтага галоўнай мовай зносінаў, якую ведаюць амаль усе валійцы, зьяўляецца ангельская.

- Валійская мова да нядаўняга часу была мовай вясковых жыхароў у асноўным маланаселеных горных раёнаў Ўэльсу.

- апошнім часам ідзе адваротная хваля папулярызацыі валійскай мовы, у тым ліку і на дзяржаўным узроўні( досьвед, які можа спатрэбіцца нам у будучыні). Прыкладна 20% валійцаў зараз карыстаюцца валійскай мовай. 

На сайце Welsh Language Board знайшоў прыклад улёткі , якая апісвае перавагі вывучэньня дзеткамі валійскай мовы. Аргумэнтацыя, якая можа стацца карыснай у нашых умовах, калі заклікаюць бацькоў аддаваць дзетак у беларускамоўныя клясы. Пераклаў на беларускую галоўныя тэзы, якія і прапаную вашай увазе:

Гэтае апытаньне праводзіцца з мэтай вывучэньня матываў карыстаньня і некарыстаньня беларускай мовай у грамадскіх мейсцах. Пытаньне найперш для ЖЧ-юзэраў, якія пішуць па-беларуску, але і для ўсіх, хто так ці іначай карыстаецца беларускай мовай. Галоўная ўмова - вы жывеце ў Беларусі.

КАЛІ ЛАСКА ПАТРАЦЬЦЕ ПАРУ СЕКУНД, КАБ АДКАЗАЦЬ НА ПЫТАНЬНЕ НІЖЭЙ. 

Апытаньне #1114017
Open to: усім, detailed results viewable to: усім, participants: 287

Ці карыстаецеся беларускай мовай ў грамадскіх месцах (крамы, транспарт, вуліца і г.д.) ?

Калі ласка ў комэнтах пазначце прычыны па якіх не ўжываеце, ці мала ўжываеце беларускую мову ў грамадскіх месцах. 

Цікавая ідэя - беларускае мястэчка. Мне падаецца - вартая ўвагі. Пішыце, што думаеце пра гэта.